宜家入2809係唔係時候? - 16 Jul 2008

當日油價未見頂時的個人看法(16 Jul 2008):

昨日油勁插係因為布殊、伯南克等等出口術,話動用戰略石油儲備,又話解除禁令,準許開採美國離岸石油資源...

我自己意見覺得期商品市場有點泡沫,商品指數基金如雨後春筍咁發行,即代表有更多資金投入,相關的槓桿亦越來越高,令到商品市場火上加油.呢種現象令到油價偏離實際需求關係,油價上升係因為好多人覺得油價會繼續升,所以繼續買升,呢個部分的溢價係反映投資需求,而唔係實際需求,有研究話呢部分溢價可能估油價的10-30美元一桶.

農產品亦有類似現象,很多農夫同農產品採購商,佢o地係農產品期貨的真正用家,佢o地有投訴過期貨價格過高,使佢o地無法透過期貨市場對沖.當局有研究過加強對非用家投入農產品期貨市場資金的限制.

以上係利淡,再講下利好.新興市場對商品需求大增,促成全球通脹,促成自2001年開始的商品大牛市,過去6個商品牛市週期,一般長達20年,即現時應仲有12年牛市行.近年弱美元就更加令到商品價格升溫,但唔知以上泡沫情況會唔會造成1個比較大的中期調整,呢個係要留意的.