每個人的知識十分有限，引用列子「庖丁解牛」的說話：「以有涯隨無涯，殆矣。」沒有人能對不同行業和公司都有透徹了解。即使基金公司做的分析，以財務報表、行業統計數字、透過公司訪問了解管理層和公司運作，看的亦只是皮毛。
最近在新聞組上，有幾次當別人談論某行業的股票時，有些本身是從事該行業的網友，作出了富有深度和非常有參考價值的回應。其實透過打聽行內人的看法和行業資訊，比閱讀坊間的財經專欄分析和大行評語都還要好。
以下節錄新聞組上一些行內人對他們行業的意見：
工業
有人開新話題叫人買工業股，原因是他們一般在牛市初的爆炸力較強，而且股市走勢較經濟先行。有行內人這樣回應：
"我公司係工業股
我老細都話: 買股千萬唔好買工業股!!
仲有...預計新年前會有更多間野執
工業股(即係做廠既公司) now face 既問題:
1. 驚收唔到數.....巴西, korea, 土耳其等國家, d 客o係o個度既, 80% 會收唔到, 因為貨幣問題, 佢地換美金都有難度
2. 搵新客, 公司唔再敢比credit terms, 怕客走佬, 客亦怕你走佬, 唔會payment in advance....以前公司或客都可以買insurance 去cover 張單, 但依家無人肯保....L/C, 對某d 客黎講亦都有困難
3. 新年就到, 好多工人要出花紅, 亦要找數比supplier, 到時仲多人執, 執左, supplier 收唔到錢, 連著落去一齊死
4. 好多廠o係上年expand 得太勁, now 實仆街
5. 我地成日走去d 客度睇line, 睇佢死得未, 好多都預做埋呢水christmas 就等死, 銀行亦都個個星期去一次d 廠, 預計你就死就即刻收你皮, 無得守
寫住咁多先.....總之買股無理由買工業股"
"yes, 5 大ems 公司, 都唔多掂老細都同d 行家傾過, 知道咩環境好多廠, 已經係一星期只開3 日工肯大刀xx, 即刻cut 人cut line, 可能可以捱得過 (ps: 我公司下個月大陸要cut 1/3 line)正常d 廠, 當佢早幾個月個個月做一億turnover, 接到爆廠依家十一月份, 未接夠3 千萬, forcast 亦唔夠7 千好多借貸, 有條件的, 係要平均每個月做幾錢turnover 咁....一唔夠數, 銀行就可以要你即還錢清你盤的了
工業股都番生得, 內銀更加掂, 風險又細幾倍, 點解要咁博?大家上番history high, 工業股可能有4-5 倍, 內銀等都2-3 倍, 無謂為多一倍profit 而有total loss 的風險(ps: 你睇佢間公司幾好幾好? 你試下走去問老細, 老細自已都未知聽日會唔會比人call loan 後日就執粒la)"
航運
行內人講航運的確係與別不同：
"仲有供求問題...黎緊兩三年都係新船出海既高峰期......
貨少...船多.....死緊!"
"信我...唔好攪佢地住...
我就係做依行的. 黎緊真係好L 多新船呀~~~"
"對於這個分析很有保留, 美國經濟不境, 歐洲更差....
基本上, 歐美無乜人買貨, 航運業又何來會有轉機??
現時運費已跌穿十年底位的情況下, 船公司在今年九月罕有地保證今年不加價, 保證今年沒有旺季附加費, 似乎已經表明他們對今年的悲觀態度....
航運股資產值?? 現在有人買貨船嗎? 一架船至少一年行一兩水 (即使沒有貨都要行)
運力供過於求, 結果怎樣? 折讓七八成賣船一點也不出奇...."
"在市初比較, 中國去歐洲的運費跌了八成....
年頭細櫃大約是USD1500, 現在約是USD300
當然船公司一些是固定成本, 很懷疑現價是否能賺錢~~還保證至年底不加價??
運力過剩, 現價最多可以說是 "博反彈" 或者 368 "現金多"...."
"貨量少了, 可是運力持續, 九月 / 十月都是行內旺季, 今年旺季竟然不見了
仲要係早輪經濟好, 新做的船仲未下海....
供過於求的情況下, 航運股無運行
試想想, 以 1919現時股價, 仍比2006年更高
但是運費卻比2006年低, 供過於求也比2006年嚴重, 即是說股價仍未能反映現時惡劣情況"
風力發電
當談論某風力發電公司的年報時，有行內人批評其內容不實:
"我做過風電dd, 成本野都係bullshiting, 風電場有國家政策保護, 講得掂數可以保證你有4到5% irr, 唔會好多, 加埋cdm賣碳, 絕對唔會多過6
做equipment可以好賺錢, 但要有好技術, 目前國內低技術既競爭好大, 賺錢好少, 高技術全部起步階段, 我睇佢成本野, 班友連乜叫風電高技術都未識, 有機會下次食飯講你知做場地組裝, 餓你唔死得個做字
公司如有高增值技術一定會嚮報告強調, 絕對呃我唔倒, 我睇唔倒佢地有乜好過其他公司"
"最憎d做賊都唔努力做好一個賊既公司, 我做左兩三次風電dd就己經睇得出佢地完全唔識, 連寫編似樣既report呃人都冇能力
我識有人嚮精電做, 蔡東豪係典型當年扮警察, 今日努力做賊既人"
詳情按此!
2008年10月26日星期日
2008年10月24日星期五
小談阻力位
當我們看到很多坊間分析員分析大市或個股時，他們都喜歡用圖表輔以自己加上去的一些線去分析股價去向，圖表看法和線的畫法有很多種，因每人的經驗和直覺取向而異，因而同一幅圖在不同人眼中會做成不同的意見。那麼如何才能增加準繩？
有不少人都會覺得看多點技術分析書，充實自己的知識。但我反而覺得要用培養用參與者心理角度去看股價波動，這些都要透過觀察市場反應、成交、消息、公司基本面、市況互相配合，再加點想像力和直覺，判斷市場上大部分參與者在下一刻會做甚麼，而這些非單純用圖表和線可以解決問題。
我寫這篇文，是因為近來大陸開始非對稱減息，令內銀股走勢疲弱，有網友發表了以下的意見：
"1398, 3.6呢個位堅唔穿, 穿埋就宣佈內銀唔洗玩."
"覺得9up左, 比番小小疑似理據.
好多散戶覺得3.6係底, 或者接近底, 幾次好快都彈返上. 所以3.6附近好多盤買, 博反彈多.
如果穿完唔識彈, 應該仲有排跌.
p.s.內銀好多野應該未爆, 佢借貸唔同外國, 好多時係指令借, 關係借, 還唔還到會係?"
我的回覆是：
"原來你係TA派 XDD
我知呢度以data派分析,所以唔多buy而且歧視TA.不過我想講呢,其實TA係總結o左好多參與者心理上o既諗法.
例如你講o既情況咁,3.6蚊係阻力位,因為好多買盤頂住,圖表上就會係穿唔到3.6然後橫行一段時間,劃條橫線表達阻力.但係如果有人好大沽穿呢個位,好多買盤都會縮沙觀望,形成o左穿阻力位後再瀉的情況.
所以o個d"如果穿XX,就會見YY"其實係有根據的,不過坊間好多TA佬都表達得唔好,攪到好多TA分析睇起上來好廢."
以上的看法顯然不是單純從圖表看出來，是透過代入市場，用心理去感受出來，而圖表只是這些買賣成交的結果。專注圖表分析就是用結果解釋結果，因而容易忽略其他因素造成偏差，這種分析方法當然能夠用市場實例去驗證、修正和改良，不過最好的技術分析還要看一些看不到的東西，簡單一些來說是捕捉市場心理，以上的阻力位解釋就是其中一例。 詳情按此!
2008年10月17日星期五
周期行業淺談 - 資源 - 黃金
黃金是一種特殊的商品，它天生從古至今就被賦予萬用貨幣的地位。2008年7月後，市場預期全球經濟下滑令商品需求下降，使大部分商品價格走低，當中唯獨黃金走勢仍然較強，皆因它在亂市中扮演了資金避難所角色，受追求避險的資金所追捧。可見黃金的角色及影響其價格的因素，有別於一般商品。
消化過不少對於黃金走勢的分析，可以總結影響金價的因素如下：
1. 金價以美元結算，美元貶值則金價升值，反之亦然。從此可體現黃金有一般貨幣的特質，這點可以從美匯指數與金價背馳的現象而歸結出。
美匯指數1998-2008：
金價1998-2008：
2. 黃金傳統概念上有抗通脹的能力，事實上根據過往百多年的數據，金價的確能夠跑贏通脹。當通脹升溫，貨幣變相貶值，此時將吸引資金追捧黃金以求保值，刺激金價上升。
3. 全球需求關係影響金價，這種觀點視黃金為一般商品。過去幾年間新興市場急劇發展，當中尤以中國、印度對商品需求大增，刺激黃金以及其他商品價格大升。
當然還有更多的原因，不過較流行的說法都在以上3點包含了。
接著看黃金相關的股票，香港上市的金礦股現時有4隻：紫金礦業(2899)、招金礦業(1818)、澳華黃金(1862)和靈寶黃金(3330)，當中以紫金礦業為中國境內行業龍頭，較有指標性。
回顧從2007年開始的黃金熱，當時美國的次按風暴在8月中揭開序幕，加速美元弱勢，美匯指數反覆下跌至歷史低位，黃金成為資金避難所，平地一聲雷地從大約700美元1安士狂飆至2008年3月中1002美元1安士的歷史最高點，之後金價就反覆下跌，恰巧美匯指數在3月中在71點附近見底，然後反覆向上。
金礦股原本過去走勢平平無奇，無甚綽頭，金礦股的瘋狂炒作直到2007月下半年才開始，開始時間上和金價從大約700美元1安士狂飆一刻吻合。上述提及4隻金礦股股價隨著金價上升而狂升1至5倍不等，其中紫金礦業從6元炒高至超過14元，相當於當時超過90倍市盈率，可說是跟基本因素完全脫節，不過當時傳媒還在大力推介金礦股，大行們也趁勢將目標價設在更高水平，在我眼中這些都是他們的陰謀，同時慨嘆不少缺乏分析能力的散戶都成為了大戶點心。
在2008年3月金價創新高前，大部分金礦股股價都因大市下跌關係已先行回落，之後隨著金價見頂，金礦股失去最大利好因素支持，就被大戶施行洗倉。
紫金礦業(2899)股價圖：
招金礦業(1818)股價圖：
總括來說，金礦股股價走勢和其他資源股一樣，同時受大市走勢和相關商品價格所影響。其他資源股將在下篇再談。
詳情按此!
2008年10月14日星期二
周期行業淺談 - 資源 - 油
資源股股價和商品價格表現是息息相關，雖然公司股價受大市影響，不一定跟商品價格同升同跌，但基礎上兩者還是大有關係的，以下嘗試解釋資源類公司跟商品價格間之關係。
當商品求過於供時，其價格就會上升，一般會令公司毛利率上升，另外公司也可以藉市場旺盛時增產，造成銷售價及銷售量同時上升，令公司純利高幅增長，此時股價一般都有爆炸性增長。相反當商品需求下跌，跌到供過於求時，商品價格就會下跌，另外公司也可以要面對減產的問題，令盈利快速收縮，所以資源股跌得那麼急勁就是這個原因。
影響資源股盈利的因素除商品價格外，還有原材料價格、工人薪金、機器投資及其他雜費等，成本控制功力就繫於管理層的功力以及銷售及採購時的議價能力了，所以資源股表現不一定跟商品價格掛鈎。
接著先看看石油股與油價關係：
留意資源股價表現未必跟商品掛勾，油價下跌應利好從事下游煉油的中石化(386)，但其股價卻跟隨大市回落。從圖表看到，油價從年初開始上升時，中石化已經先行下跌，到7月後油價回落時再隨大市下跌。留意7月後這段油價下跌期間，中石化的跌幅確實比中海油少。
總括來說，資源股的股價走勢，是同時受商品價格及大市走勢影響。下篇再談其他資源股。
詳情按此!
2008年10月12日星期日
周期行業淺談 - 地產
地產一向被認為對經濟敏感度大，經濟好壞主宰了樓價升跌，而樓價亦決定了地產公司推出旗下新盤所獲得的盈利。另外地產股屬於資產類的股票，除了看售樓盈利外，亦要看旗下物業及土地儲備的估值，因為他們會影響整間公司的資產淨值(Net Asset Value, NAV)，另外資產值變動亦會跟會計準則入賬影響公司盈利。
有關香港樓市的走勢，可以參考中原城市指數(Centa-City Index, CCI)：
http://www.centadata.com/cci/cci.htm
詳情按此!
周期行業淺談 - 航運
幾個月前看到有人見到航運股盈利大增，而往績PE逹到個位數字，派息也相當吸引，便毫不考慮購入，結果航運股最近的跌幅，相信大家都有目共睹，我希望在這裏對周期股概念作淺白易明簡介。
景氣和盈利較易波動的行業，我們通稱為周期行業。周期行業其實比比皆是，例如地產、航運、資源及一般工業等，概念上基建也屬周期股之列，但暫時很少人會提及這點，正因為基建行業未遇上不景氣，大部分人未能察覺到其周期性之存在。
我會在這篇先對航運行業作簡介，接下來再寫幾篇淺談其他行業。
航運業景氣主要看各國間的貿易往來，如果國際經濟狀況良好，航運需求增加，船隻使用率亦會增加，而且運費方面亦有提升空間，造成價量齊升。但若果情況因國際經濟轉壞而逆轉，造成價量齊跌，整個航運業都會變得死氣沉沉。
航運業景氣通常以波羅的海乾散貨指數(Baltic Dry Index, BDI)作為指標，它綜合了各主要路線的乾散貨運費走勢，集裝箱的情況雖然和乾散貨不同，但亦可以以此作為參考。
http://www.dryships.com/index.cfm?get=report
=====
8月中在新聞組關於航運業和太平洋航運(2343)的部分討論：
"點睇2343呢一隻高息得奇怪既股"
"2343中期業績盤數唔錯呀,以現時的因素睇的確幾吸引.
但以現時大部分航運股估值睇,似乎大戶都已投票看淡航運股前景.
想買呢類股,最好留意多d行業景氣同週期性,同埋參考下BDI.
而家業績好,派息高,唔代表以係都係咁,另外股價係反映未來多於現在的."
"唔記得左聽過邊個分析員講, 若經濟衰退而影響到d 運輸訂單
咁樣會減少航運運輸o既需求, 咁佢地d 船隊就會好多時空置o向喥但又要保持維修d 船
變相少左生意但又要keep 住維修開支, 咁條數會好難做得好
但2343 呢一年裏面將d 貨船賣出去又租返黎用
唔知管理層係咪一早已預左d 咁o既事情會o向不久將來發生, 所以做定d 野等將來條數可以仍然好好睇?
我投資經驗尚淺, 未經歷過d 咁o既金融經濟問題
或者當佢地開始買返d 船返黎時, 就係時候買佢正股?"
=====
最後再貼一則8月中的新聞：
【隨波續跌】航運業需求降但運力不斷提升，來年起步入艱難時期
(經濟通)8月13日 星期三 12:19
《經濟通通訊社記者鄭偉國１３日報道》近日中資股疲態畢露，除了資源股被「洗倉」外，航運股亦備受沽壓，不少股份更屢創新低。眼見近期國際油價回落，航空股已借勢反攻，但同樣屬「高耗油」的航運股則遲遲未見發力，反而走勢每下愈況，究竟背後令航運股不振的主因是甚麼呢？
＊踏入傳統「旺季」波羅的海指數不升反跌＊
一向以來，航運股對油價的敏感度較航空股低，其表現多由「運費指數」所影響。其中一個主要反映「運費指數」為波羅的海乾貨指數，自上月１０日起連番下滑，及至昨天已連跌２３日，其走勢令人意外。
由於航運業周期性甚強，據以往經驗，下半年乃傳統航運業的旺季，尤其是第四季乃農作物收割交付的日子，故不少市場人士預期乾貨指數應向上走，惟近期情況則相反，有分析指，這個情況只是提早反映明年的行業情況而已。雖然目前航運需求殷切，但隨著新船陸續交付，相信明年起行業整體運載力會大幅上升，預期會錄得雙位數字增幅。
＊環球經濟放緩降運需，供過於求促使運費回落＊
運力上升，但運需則預期直接受經濟放緩而降低。事實上除了美國經濟走下坡外，歐洲等地經濟亦開始見壓力，而澳洲央行日前更指經濟放緩有減息空間，可見未來在環球經濟增長放緩之下，運需下降勢難避免。在供過於求的情況下，運費回落只是遲早問題。
反映運費的波羅的海指數連日下滑，相信只是預早反映上述情況而已。然而，以近期計，波羅的海乾貨指數已累跌逾２２００點，不排除短線有反彈機會，但長線看，明年起航運業將步入艱難時期。
綜而觀之，雖然航運業下半年出現「應強不強」的情況，但前景趨明朗，而相關股份近期已連番下挫，從附表看，不少股份於近期已跟隨波羅的海指數作調整，估值漸變吸引，現水平是否值得吸納或博反彈呢？值得深入研究。
詳情按此!
2008年10月5日星期日
香港失業率與GDP - 15 & 18 Aug 2008
8月中，香港政府公佈第二季經濟增長放緩至4.2%，反映環球經濟不景氣開始影響本地經濟。另外政府亦公佈了5月至7月失業率跌至3.2%新低，似乎和股市樓市以及GDP增長有所滯後。踏入10月，經濟敏感度高的行業如金融和地產代理等，都相繼傳出大量解僱的新聞，透過骨牌效應，預期裁員潮會漫延至其他行業。
=====
第二季經濟增長放緩至4.2%
(星島)8月15日 星期五 17:07
香港經濟經歷長時間的快速擴張後，第二季增幅有所減慢，但仍以溫和的步伐擴張，今年第二季度增長4.2%，是近5年來最低，遠遜於第一季的7.3%強勁增幅……(節錄)
=====
香港失業率降至3.2%
(明報)8月18日 星期一 16:40
香港最新的五月至七月季度的失業率降至3.2%，是十年來最低；就業不足維持在1.9%。政府統計處公布，五月至七月的失業率為3.2%，低於四月至六月的3.3%，是自一九九八年年初以來的最低位；就業不足率則保持不變，兩段期間均為1.9%…… (節錄)
=====
當時新聞組對於GDP討論如下：
"What a bad news~"
"想轉工要快,盡力儲錢,減少消費,等經濟進入谷底時購入資產,然後迎接下一個增長時期來臨^^"
"我比較樂觀少少,增長只係慢左je"
"經濟增長幅度係有momentum的,即係跌開會跌,升開會升,當第1季係7.3%,而第2季得4.2%時,再向下風險都唔細."
對於失業率的討論如下：
"係咪經濟數據通常會比失業率行先呢?我岩岩fresh grad...大部份同學都好易搵到工,但又見到香港數據唔好,呢個問題我諗左好耐...係咪經濟只係表面好..定係失業率冇咁快反影到呢係咪97年都係咁既呢...?"
"http://www.censtatd.gov.hk/hong_kong_statistics/statistics_by_subject/index_tc.jsp
我走o左去統計署網站搵本地失業率同GDP數據,download了幾個Excel檔玩o左陣,整o左幅圖.Y軸係按年變化,X軸係年份.GDP有2款,藍色係經通脹調整過的GDP,黃色係以當時市價計的GDP,好似藍線會有用d.我自己睇,發覺好似當GDP(藍線)按年增幅細過5%時,失業率就會升."
"unemployment係滯後數,通常係最後防線,另一個數係整體就業人數, 都可以睇下"
詳情按此!
訂閱：
文章 (Atom)