不同版本的10大見底訊號

這次漫長的熊市，從2007年10月開始至現在結束無期，深不見底，股市何時見底成為大家關注的問題。我曾經在2008年10月初，在新聞組上發表話題討論「10大見底訊號」，經過其他版友輾轉討論後，集結了幾個版本：

=====

第44期iMoney雜誌

1. 推方案穩住A股 (講中央放鬆宏調政策或推救市措施)
2. 大小非解禁改革 (搵方法舒緩大小非對A股影響)
3. 熱錢再回流中國 (講人仔近期平頂,如果人仔再升就代表熱錢回流中國)
4. 港股跌至超值區 (用恆指PE來講,同我個之前用的方法大同小異)
5. 技術走勢現突破 (講下陰陽燭,錘頭、早晨之星、島形底等,之前我在呢度有貼圖講過)
6. 恆指恐慌式急跌 (其實同上一點差唔多)
7. 強勢股被拋售 (即係等跌得少o既股都勁跌 e.g. 2/6/700/1398/11...)
8. 港股成交額回升
9. 待內地PPI回落
10. 美債孳息率回升 (講10yrs US bond同埋VIX)

=====

「末日博士」麥嘉華：

全年高低位的差距已很大，成交回升，而且引伸波幅甚高。正如我先前所講，股市見底的一個先決條件，就是那些抗跌力強的股票如蘋果、Research in Motion和亞馬遜，以及鋼業、航運業和鐵礦業等周期性的股票都崩圍。

=====

石鏡泉寫的熊市見底：

1. 基金持現金比率高達四十巴仙
2. 大市平均市盈率跌到歷史低位
3. 利率升至高位, 即將下降
4. 貨幣供應量增加
5. 投資顧問達成熊市共識
6. 新股上市數量極少
7. 大市出現頭肩底, 雙底逆轉三角形或下降楔形走勢
8. 知情人士買入股票比率處於高水平
9. 大市對壞消息產生折讓, 股價不跌
10. 受人忽視的高增長股買盤漸增
11. 股民無心談股, 清貨離場
12. 傳媒基於群眾興趣減少有關股市評論, 零星的看好評論被股民忽視

=====

以上的訊號可以歸結以下幾個方向:

- 基本經濟因素，如宏觀經濟數據，資金流向，貨幣及財務政策（減息、救市、擴張信貸措施等)
- 技術訊號，如陰陽燭、成交額大小
- 股票相對以往估值，屬基本分析
- 投資心理

由上年至今已出現了以上所述的不少訊號，但金融海嘯威力會否令大市見底時間有所延遲，則不得而知。世上影響股市的有無限個因素，不要太執著一部分訊號，實行多方面思考，吸收多點基本知識和名家意見，會對解構影響股市的網狀因素有幫助。 詳情按此!

思捷(330)洗倉重溫 & 恆生(11)增長策略 - 28 Aug 2008

思捷以其品牌擁有良好質素，使它在云云歐洲時裝公司中突出起來，業務發展一日千里，而且盈利增長極為穩定，加上派息亦非常慷概，派息比率維持在70％以上，使它的股價在5年間從十多元一度升至2007年的超過100元，晉身成為紅底股。

不過好景不常，在2008年8月27日公佈全年業績後，翌日即裂口低開，股價全日從70元反覆下跌至66元收市，較27日收市價80.4元下跌17.9%。這股價波動幅度對於大型環球公司來說是極為罕見的，而且不是因財政困難和突發的負面消息引起。即使財政健全、坐擁大量現金的思捷宣佈增派特別股息，也不能扭轉股價急瀉的情況，究竟問題在那裏？

歐洲經濟數據差勁，令消費市道疲弱，對思捷無疑造成一定打擊，思捷於是轉攻為守，減少業務擴充。主席兼行政總裁高漢思表示不清楚金融風暴會持續多久，所以決定暫停收購計劃，保留現金以備情況轉壞，另外將本來用作收購的部分現金用作派息。

轉攻為守或許就是股價大瀉的關鍵，公司政策從業務持續擴充變為平穩派息，當中牽涉到股價估值重估。原本思捷股價是建基於未來盈利及股息增長，現在突然失去這個增長部分，以增派息去代替未來股息增長預期，我有位要好的網友稱之為「沉睡股步法」，這種策略通常都不討好大部分人，所以股價應聲急挫。

他舉例解釋寫道：

"設ROE = 25%, 因為品牌同管理叫做好, 留意佢的習慣係少債, 偏穩
佢個股東權益增值的factor係(25%-g)/(10.5%-g)
如果擴張, 佢g>0, 而家佢打算唔擴張, 派晒息比股東, 呢D係沉睡股的特性
otherwise, 就係25%/10.5%
結果(25%-g)/(10%-g)>25%/10.5%"

以上所引用的股票估值方法是常用的Gordon model:
http://en.wikipedia.org/wiki/Gordon_model
所以當增長因素(g)有變，股價就會被即時重估，這是思捷股價烈口急瀉的其中一個解釋。

跟思捷做法相反的例子就是恆生銀行(11)，以前恆生會將每年所賺的盈利，幾乎全用來派息，派息比率在80%以上，在這情況下，公司沒有保留盈利用來擴充業務，增長會受限，股價會像點穴一樣難以大升。直至2007年恆生策略有變，將派息比率降低，保留多些盈利用來擴充業務，股價也就一反以往走勢，像火箭一樣狂飆。可見公司的策略對其股價影響深遠，減派息以保留盈利支持業務增長，還是放慢業務增長將大部分盈利回饋股東，結果是兩個截然不同的劇本。

思捷預視危機將至，減少業務擴充及資本開支，保留現金轉攻為守，策略穩健，對比一些以高負債、濫擴充的企業，將更容易渡過逆境。恆生不沾手今次金融海嘯重災區的歐美業務，亦不購買複雜及高槓桿的金融產品以追求高回報。思捷和恆生同樣都是擁有良好品牌、財政健全、作風穩健、努力為股東爭取回報的好公司，今次金融海嘯更突顯出他們管理層的卓越能力，個人覺得兩公司都是值得作長線投資的好選擇。 詳情按此!

趣談煤和石油的持續性 - 25 Aug 2008

兗煤(1171)在8月中公布中期業績，受惠煤價大升，盈利急增1.6倍，和網友竟引起以下的討論：

"學經濟時都有講,盈利由價量組成,兩樣野要互相配合先可以有把握,最好查查量果邊的長線問題"

"內地煤市場暫時都係求過於供,中央都鼓勵煤企加大產能.另外行業整合,淘汰落後產能,可以使每間大煤企的所佔銷售份額提高,我覺得量方面暫時都係無問題的,我反而擔心中央限價方面的問題.

講笑咁講:極端d以超長線睇,所有不可再生能源股都唔可以永遠長渣,不可再生能源始終會有蘊藏量的限制,產能遲早會有日到頂,隨著開採難度上升,成本也會上升,結果毛利率降但量卻受限,到時行業會步入死亡期.

(唔知會唔會有人會諗咁遠,所以俾我揀長渣,我會揀煤股多過油股,因為油會在未來幾十年後用盡,但煤仲有超過100年玩XDDD)"

"唔係講笑, 呢個係計估值時要考慮的因素
東尼的確係這樣想的
做估值, 我地要考慮長期可擴張的增長
volume growth係最可靠的
呢個係消費需求行業與及銀行業的長線吸引力

工業股都受呢樣野限制住, 因為好多都唔會成功轉型
好的會低增長, 沉睡變高息股, 壞的會因擴張過大, 會死亡, 呢D可以用expectation計
呢個可以拉低個合理估值的

記住可以長線渣住的股票只係得少部份
心中先有一個批判問題, 過唔到就用來做反射
凈番的就長線了" 詳情按此!

內需股特性

內需股受外圍經濟影響極微，另外中國的經濟政策方向已從側重出口變成刺激內需消費，令一眾內需股的發展前景及未來盈利增長有所保證，令他們在今次2008年金融海嘯中表現不俗。

以今天恆指14000點來算，籃籌公司股票的PE小於10倍，當中的權重股多屬本地銀行、內地銀行、內地保險、本地地產、內地電訊、內地資源等，他們各自有盈利增長放緩甚至倒退的原因，例如淨息差收窄、信貸緊縮、樓價下跌、商品需求及價格下跌、電訊業重組等。

反觀內需股卻仍有可持續增長空間，中國人民的人均收入逐步提升，可用於消費的金額持續增加，人民生活質素提升，拉動對消費品的需求，而且會趨向優質和高增值的方向消費，加上國家刺激內需政策以及行業的穩定性，不少擁有良好品牌、在行業處於領導地位的公司股價在淡市中仍能保持高估值，就是市場給予他們信心的鐵證。以下就是其中一些例子：

百貨業龍頭百盛(3368) - PE約有25倍
食品及飲品品牌康師傅(322)和旺旺(151) - PE在30倍附近
體育服生產商李寧(2331) - 超過20倍PE
電器零售商國美(493) - 超過15倍PE
啤酒生產商青島啤酒(168) - PE仍超過30倍

另外還有一些處於行業較次位置的公司，其PE也很少低於10倍。

=====

其中一名網友就這樣寫道：

內需股普遍估值過高
呢個十分對
百貨類係靠分紅般的租務來摸杯底
要睇同店消售摸佢的增長極限

至於其他內需行業
部份內需股屬品牌鐵底, 估值可以拉番高,
監察關鍵係擴張的想頭, 會否過度擴張或去左一個錯的領域
內需反射性有D可以好低, 計左數之後 (一定要計數), 可以用長線價投

基建股相對回落唔少
但係基建個永續銷售同內需股係唔同, 屬投資或政府(I+G)
睇長一點時, I極其波動, G一係好多一係好少, 可以話有就有, 無就無
內需行業因為好多時都係消費(C), 慣性大, 柔軟高, 無呢個問題
另外基建合約本身係可以好似盈利借屍還魂, 係連銷售都可以做數的公司
再者, 呢行負債好少會低
要加入風險溢價較高

基建行業的反射性一定高的了, 同藥股一樣, 玩反射性高投資方法

=====

內需股的收入來自普羅大眾，只要品牌屬優質，就能不斷吸引顧客消費，銷售數額就長期有保證。如果成本控制得好、有持續增加市場份額及開展新市場的能力，這些就是適宜作長線投資的優質內需股了。

相比之下，基建是依靠飄忽需求的行業，其行業風險理論上比內需大，下回有空就談基建股。 詳情按此!

行內人語

每個人的知識十分有限，引用列子「庖丁解牛」的說話：「以有涯隨無涯，殆矣。」沒有人能對不同行業和公司都有透徹了解。即使基金公司做的分析，以財務報表、行業統計數字、透過公司訪問了解管理層和公司運作，看的亦只是皮毛。

最近在新聞組上，有幾次當別人談論某行業的股票時，有些本身是從事該行業的網友，作出了富有深度和非常有參考價值的回應。其實透過打聽行內人的看法和行業資訊，比閱讀坊間的財經專欄分析和大行評語都還要好。

以下節錄新聞組上一些行內人對他們行業的意見：

工業

有人開新話題叫人買工業股，原因是他們一般在牛市初的爆炸力較強，而且股市走勢較經濟先行。有行內人這樣回應：

"我公司係工業股
我老細都話: 買股千萬唔好買工業股!!
仲有...預計新年前會有更多間野執
工業股(即係做廠既公司) now face 既問題:
1. 驚收唔到數.....巴西, korea, 土耳其等國家, d 客o係o個度既, 80% 會收唔到, 因為貨幣問題, 佢地換美金都有難度
2. 搵新客, 公司唔再敢比credit terms, 怕客走佬, 客亦怕你走佬, 唔會payment in advance....以前公司或客都可以買insurance 去cover 張單, 但依家無人肯保....L/C, 對某d 客黎講亦都有困難
3. 新年就到, 好多工人要出花紅, 亦要找數比supplier, 到時仲多人執, 執左, supplier 收唔到錢, 連著落去一齊死
4. 好多廠o係上年expand 得太勁, now 實仆街
5. 我地成日走去d 客度睇line, 睇佢死得未, 好多都預做埋呢水christmas 就等死, 銀行亦都個個星期去一次d 廠, 預計你就死就即刻收你皮, 無得守

寫住咁多先.....總之買股無理由買工業股"

"yes, 5 大ems 公司, 都唔多掂老細都同d 行家傾過, 知道咩環境好多廠, 已經係一星期只開3 日工肯大刀xx, 即刻cut 人cut line, 可能可以捱得過 (ps: 我公司下個月大陸要cut 1/3 line)正常d 廠, 當佢早幾個月個個月做一億turnover, 接到爆廠依家十一月份, 未接夠3 千萬, forcast 亦唔夠7 千好多借貸, 有條件的, 係要平均每個月做幾錢turnover 咁....一唔夠數, 銀行就可以要你即還錢清你盤的了

工業股都番生得, 內銀更加掂, 風險又細幾倍, 點解要咁博?大家上番history high, 工業股可能有4-5 倍, 內銀等都2-3 倍, 無謂為多一倍profit 而有total loss 的風險(ps: 你睇佢間公司幾好幾好? 你試下走去問老細, 老細自已都未知聽日會唔會比人call loan 後日就執粒la)"

航運

行內人講航運的確係與別不同：

"仲有供求問題...黎緊兩三年都係新船出海既高峰期......
貨少...船多.....死緊!"

"信我...唔好攪佢地住...
我就係做依行的. 黎緊真係好L 多新船呀~~~"

"對於這個分析很有保留, 美國經濟不境, 歐洲更差....
基本上, 歐美無乜人買貨, 航運業又何來會有轉機??

現時運費已跌穿十年底位的情況下, 船公司在今年九月罕有地保證今年不加價, 保證今年沒有旺季附加費, 似乎已經表明他們對今年的悲觀態度....

航運股資產值?? 現在有人買貨船嗎? 一架船至少一年行一兩水 (即使沒有貨都要行)
運力供過於求, 結果怎樣? 折讓七八成賣船一點也不出奇...."

"在市初比較, 中國去歐洲的運費跌了八成....
年頭細櫃大約是USD1500, 現在約是USD300
當然船公司一些是固定成本, 很懷疑現價是否能賺錢~~還保證至年底不加價??
運力過剩, 現價最多可以說是 "博反彈" 或者 368 "現金多"...."

"貨量少了, 可是運力持續, 九月 / 十月都是行內旺季, 今年旺季竟然不見了
仲要係早輪經濟好, 新做的船仲未下海....
供過於求的情況下, 航運股無運行
試想想, 以 1919現時股價, 仍比2006年更高
但是運費卻比2006年低, 供過於求也比2006年嚴重, 即是說股價仍未能反映現時惡劣情況"

風力發電

當談論某風力發電公司的年報時，有行內人批評其內容不實:

"我做過風電dd, 成本野都係bullshiting, 風電場有國家政策保護, 講得掂數可以保證你有4到5% irr, 唔會好多, 加埋cdm賣碳, 絕對唔會多過6

做equipment可以好賺錢, 但要有好技術, 目前國內低技術既競爭好大, 賺錢好少, 高技術全部起步階段, 我睇佢成本野, 班友連乜叫風電高技術都未識, 有機會下次食飯講你知做場地組裝, 餓你唔死得個做字

公司如有高增值技術一定會嚮報告強調, 絕對呃我唔倒, 我睇唔倒佢地有乜好過其他公司"

"最憎d做賊都唔努力做好一個賊既公司, 我做左兩三次風電dd就己經睇得出佢地完全唔識, 連寫編似樣既report呃人都冇能力

我識有人嚮精電做, 蔡東豪係典型當年扮警察, 今日努力做賊既人" 詳情按此!

小談阻力位

當我們看到很多坊間分析員分析大市或個股時，他們都喜歡用圖表輔以自己加上去的一些線去分析股價去向，圖表看法和線的畫法有很多種，因每人的經驗和直覺取向而異，因而同一幅圖在不同人眼中會做成不同的意見。那麼如何才能增加準繩？

有不少人都會覺得看多點技術分析書，充實自己的知識。但我反而覺得要用培養用參與者心理角度去看股價波動，這些都要透過觀察市場反應、成交、消息、公司基本面、市況互相配合，再加點想像力和直覺，判斷市場上大部分參與者在下一刻會做甚麼，而這些非單純用圖表和線可以解決問題。

我寫這篇文，是因為近來大陸開始非對稱減息，令內銀股走勢疲弱，有網友發表了以下的意見：

"1398, 3.6呢個位堅唔穿, 穿埋就宣佈內銀唔洗玩."

"覺得9up左, 比番小小疑似理據.

好多散戶覺得3.6係底, 或者接近底, 幾次好快都彈返上. 所以3.6附近好多盤買, 博反彈多.

如果穿完唔識彈, 應該仲有排跌.

p.s.內銀好多野應該未爆, 佢借貸唔同外國, 好多時係指令借, 關係借, 還唔還到會係?"

我的回覆是：

"原來你係TA派 XDD

我知呢度以data派分析,所以唔多buy而且歧視TA.不過我想講呢,其實TA係總結o左好多參與者心理上o既諗法.

例如你講o既情況咁,3.6蚊係阻力位,因為好多買盤頂住,圖表上就會係穿唔到3.6然後橫行一段時間,劃條橫線表達阻力.但係如果有人好大沽穿呢個位,好多買盤都會縮沙觀望,形成o左穿阻力位後再瀉的情況.

所以o個d"如果穿XX,就會見YY"其實係有根據的,不過坊間好多TA佬都表達得唔好,攪到好多TA分析睇起上來好廢."

以上的看法顯然不是單純從圖表看出來，是透過代入市場，用心理去感受出來，而圖表只是這些買賣成交的結果。專注圖表分析就是用結果解釋結果，因而容易忽略其他因素造成偏差，這種分析方法當然能夠用市場實例去驗證、修正和改良，不過最好的技術分析還要看一些看不到的東西，簡單一些來說是捕捉市場心理，以上的阻力位解釋就是其中一例。 詳情按此!

周期行業淺談 - 航運

幾個月前看到有人見到航運股盈利大增，而往績PE逹到個位數字，派息也相當吸引，便毫不考慮購入，結果航運股最近的跌幅，相信大家都有目共睹，我希望在這裏對周期股概念作淺白易明簡介。

景氣和盈利較易波動的行業，我們通稱為周期行業。周期行業其實比比皆是，例如地產、航運、資源及一般工業等，概念上基建也屬周期股之列，但暫時很少人會提及這點，正因為基建行業未遇上不景氣，大部分人未能察覺到其周期性之存在。

我會在這篇先對航運行業作簡介，接下來再寫幾篇淺談其他行業。

航運業景氣主要看各國間的貿易往來，如果國際經濟狀況良好，航運需求增加，船隻使用率亦會增加，而且運費方面亦有提升空間，造成價量齊升。但若果情況因國際經濟轉壞而逆轉，造成價量齊跌，整個航運業都會變得死氣沉沉。

航運業景氣通常以波羅的海乾散貨指數(Baltic Dry Index, BDI)作為指標，它綜合了各主要路線的乾散貨運費走勢，集裝箱的情況雖然和乾散貨不同，但亦可以以此作為參考。

http://www.dryships.com/index.cfm?get=report


=====

8月中在新聞組關於航運業和太平洋航運(2343)的部分討論：

"點睇2343呢一隻高息得奇怪既股"

"2343中期業績盤數唔錯呀,以現時的因素睇的確幾吸引.
但以現時大部分航運股估值睇,似乎大戶都已投票看淡航運股前景.
想買呢類股,最好留意多d行業景氣同週期性,同埋參考下BDI.
而家業績好,派息高,唔代表以係都係咁,另外股價係反映未來多於現在的."

"唔記得左聽過邊個分析員講, 若經濟衰退而影響到d 運輸訂單
咁樣會減少航運運輸o既需求, 咁佢地d 船隊就會好多時空置o向喥但又要保持維修d 船
變相少左生意但又要keep 住維修開支, 咁條數會好難做得好

但2343 呢一年裏面將d 貨船賣出去又租返黎用
唔知管理層係咪一早已預左d 咁o既事情會o向不久將來發生, 所以做定d 野等將來條數可以仍然好好睇?
我投資經驗尚淺, 未經歷過d 咁o既金融經濟問題
或者當佢地開始買返d 船返黎時, 就係時候買佢正股?"

=====

最後再貼一則8月中的新聞：

【隨波續跌】航運業需求降但運力不斷提升，來年起步入艱難時期
(經濟通)8月13日 星期三 12:19

《經濟通通訊社記者鄭偉國１３日報道》近日中資股疲態畢露，除了資源股被「洗倉」外，航運股亦備受沽壓，不少股份更屢創新低。眼見近期國際油價回落，航空股已借勢反攻，但同樣屬「高耗油」的航運股則遲遲未見發力，反而走勢每下愈況，究竟背後令航運股不振的主因是甚麼呢？

＊踏入傳統「旺季」波羅的海指數不升反跌＊

一向以來，航運股對油價的敏感度較航空股低，其表現多由「運費指數」所影響。其中一個主要反映「運費指數」為波羅的海乾貨指數，自上月１０日起連番下滑，及至昨天已連跌２３日，其走勢令人意外。

由於航運業周期性甚強，據以往經驗，下半年乃傳統航運業的旺季，尤其是第四季乃農作物收割交付的日子，故不少市場人士預期乾貨指數應向上走，惟近期情況則相反，有分析指，這個情況只是提早反映明年的行業情況而已。雖然目前航運需求殷切，但隨著新船陸續交付，相信明年起行業整體運載力會大幅上升，預期會錄得雙位數字增幅。

＊環球經濟放緩降運需，供過於求促使運費回落＊

運力上升，但運需則預期直接受經濟放緩而降低。事實上除了美國經濟走下坡外，歐洲等地經濟亦開始見壓力，而澳洲央行日前更指經濟放緩有減息空間，可見未來在環球經濟增長放緩之下，運需下降勢難避免。在供過於求的情況下，運費回落只是遲早問題。

反映運費的波羅的海指數連日下滑，相信只是預早反映上述情況而已。然而，以近期計，波羅的海乾貨指數已累跌逾２２００點，不排除短線有反彈機會，但長線看，明年起航運業將步入艱難時期。

綜而觀之，雖然航運業下半年出現「應強不強」的情況，但前景趨明朗，而相關股份近期已連番下挫，從附表看，不少股份於近期已跟隨波羅的海指數作調整，估值漸變吸引，現水平是否值得吸納或博反彈呢？值得深入研究。
詳情按此!

香港失業率與GDP - 15 & 18 Aug 2008

8月中，香港政府公佈第二季經濟增長放緩至4.2%，反映環球經濟不景氣開始影響本地經濟。另外政府亦公佈了5月至7月失業率跌至3.2%新低，似乎和股市樓市以及GDP增長有所滯後。踏入10月，經濟敏感度高的行業如金融和地產代理等，都相繼傳出大量解僱的新聞，透過骨牌效應，預期裁員潮會漫延至其他行業。

=====

第二季經濟增長放緩至4.2%
(星島)8月15日 星期五 17:07

香港經濟經歷長時間的快速擴張後，第二季增幅有所減慢，但仍以溫和的步伐擴張，今年第二季度增長4.2%，是近5年來最低，遠遜於第一季的7.3%強勁增幅……(節錄)

=====

香港失業率降至3.2%
(明報)8月18日 星期一 16:40

香港最新的五月至七月季度的失業率降至3.2%，是十年來最低；就業不足維持在1.9%。政府統計處公布，五月至七月的失業率為3.2%，低於四月至六月的3.3%，是自一九九八年年初以來的最低位；就業不足率則保持不變，兩段期間均為1.9%…… (節錄)

=====

當時新聞組對於GDP討論如下：

"What a bad news~"

"想轉工要快,盡力儲錢,減少消費,等經濟進入谷底時購入資產,然後迎接下一個增長時期來臨^^"

"我比較樂觀少少,增長只係慢左je"

"經濟增長幅度係有momentum的,即係跌開會跌,升開會升,當第1季係7.3%,而第2季得4.2%時,再向下風險都唔細."

對於失業率的討論如下：

"係咪經濟數據通常會比失業率行先呢?我岩岩fresh grad...大部份同學都好易搵到工,但又見到香港數據唔好,呢個問題我諗左好耐...係咪經濟只係表面好..定係失業率冇咁快反影到呢係咪97年都係咁既呢...?"

"http://www.censtatd.gov.hk/hong_kong_statistics/statistics_by_subject/index_tc.jsp

我走o左去統計署網站搵本地失業率同GDP數據,download了幾個Excel檔玩o左陣,整o左幅圖.Y軸係按年變化,X軸係年份.GDP有2款,藍色係經通脹調整過的GDP,黃色係以當時市價計的GDP,好似藍線會有用d.我自己睇,發覺好似當GDP(藍線)按年增幅細過5%時,失業率就會升."

"unemployment係滯後數,通常係最後防線,另一個數係整體就業人數, 都可以睇下"


詳情按此!

珠寶鐘錶股 - 24 Jul 2008

7月尾時珠寶鐘錶股因業績亮麗，曾經被市場小炒一轉，在這裏回帶當日的討論：

=====

近期好多珠寶鐘錶股公佈的業績唔錯,都炒得幾勁下,引到經濟通今日出文講

=====

【珠光寶氣】珠寶鐘錶股業績強勁股價反彈，受惠內地需求持續增長
2008/07/24 14:31

《經濟通通訊社記者曾勁華、蘇承輝２４日報道》珠寶鐘錶股近日走勢亮麗，重獲不少投資者的注視，英皇鐘錶珠寶（００８８７）首日掛牌曾漲近四成；珠寶公司業績亦理想，六福珠寶（００５９０）全年多賺六成，今急彈１１％；鐘錶公司宜進利（００３０４）業績亦錄得逾五成增長。

大福證券企業及零售董事潘鐵珊向《經濟通通訊社》表示，珠寶鐘錶股早前遭基金減持，股價經過一輪調整之後，市盈率已經相對偏低，具有一定吸引力。潘氏指，珠寶鐘錶股具有內需概念，由於人民幣兌港元累積升幅已達兩成左右，所以吸引了不少自由行旅客到香港「掃貨」，為珠寶鐘錶公司帶來理想的盈利增長，一旦市況配合或可進一步上揚。

來自內地需求帶動了珠寶、鐘錶、及金飾等行業，摩根大通在早前發表之研究報告中指出，今年首季數據顯示，珠寶零售業為中國消費行業中增長最快，而首季內地黃金消費量增長了１５％，對比同期全球之消費量則下跌１６％，可見行業持續受惠需求增長。

=====

【珠光寶氣】品牌珠寶企業可看好，大市回升浪料受「蟹貨」阻礙
2008/07/24 14:31

《經濟通通訊社記者曾勁華、蘇承輝２４日報道》珠寶鐘錶零售企業交出理想業績，外資行認同珠寶零售業前景。摩根大通在早前發表之研究報告中指，珠寶零售業是屬於增長性行業，而非周期性行業，其邊際利潤率相對上穩定。雖然該行承認行業經營者目前仍比較分散，但看好已建立品牌知名度的公司，預期具知名度品牌可持續增加市場佔有率，加深行業的集中度。

六福珠寶（００５９０）今早借業績強勁消息大幅反彈１１％，周生生（００１１６）亦受帶動上揚５％。

=====

網友回應:

"呢個行業比較少反射性,但行業的隱疾係低邊際利潤不過我估佢的消費性質可以offset到,總括來講如果"估值尚可"(強調呢點), 係可以長線一點的,但記住買個名響D的"

"以我所知......英皇隻野..係一早講定會炒,所以先超額咁多......一手中得17%....我都唔中~.~"

"IPO英皇o野,例炒,haha~~~ :))

如果俾我揀呢類股,一定唔會揀規模細同埋市場太集中於本地的.呢幾年香港經濟好,消費在奢侈品的金額先升得快,如果經濟差返,可能盈利又會打回頭.

上面都有講到要買名比較響的,呢類高消費股靠的最重要係品牌質素,咁先可以keep住消費群,穩定市佔率.仲有最好要有持續性的擴張計劃,同埋有跨地區的市場,維持盈利增長.

我睇返上個月35期iMoney,有講到以下少少數據:
- 2008首季當經濟開始差時,二線名牌(e.g.Burberry/Coach/Gucci)表現較疲弱,但一線名牌(e.g.LV/Hermes)銷量仍然強勁.
- 今年2月份有調查發現,當一般美國人打算減少消費,80%最富有的美國人(財富達1000萬美元或以上),卻表示會增加奢侈品支出.

證明越高檔次的奢侈品,受經濟低迷的沖擊較細,選股可以向呢個方向諗."

"我選擇 590，其實都係見佢近一兩年0係大陸市場發展得異常快速"
詳情按此!

中國水務(855) 閒談 - 29 Jul 2008

"上年開始有唔少基金都用水資源做主題,以持有水務相關的股票為賣點,而和黃前一陣子亦成立子公司參與水務業務.

除o左大路的資源類別,例如能源或者金屬,開始因急促的經濟發展下,形成供不應求局面,使價格上升外,食水其實都有同樣情況.在資源短缺的情況下,上游資源股因有較高議價能力可看高一線,但中下游資源加工股前景就相反變得不明朗.

今日有隻中國水務出業績,所以順勢吹水一下."

"有無一些會計data, 如ROE, margin可以參考下份account同管理層分析望落去個感覺好唔舒服"

"佢地用operating leverage, 玩槓桿好大,借好多錢去收購net worth / 經營不善既水廠

管理層只需要留意武捷思就可以了

我對佢地不嬲都有興趣, 等左成個浪了"

"原來你有睇開呢隻 :DD

呢個行業整體係有前景,但如你所講,不斷收購將垃圾變黃金的過程,係好考管理層功力.

睇o左個PDF下面業績回顧,都幾吹水,長期唔派息又大打折扣..."

"我0.4 已經留意呢隻.....起初唔信, 依家搞得好好睇,咪入黎坐下lor"
詳情按此!

中國神華(1088)公布中期業績時的討論 - 7 Aug 2008

中國神華一向是我的愛股,8月初公布中期業績後,在新聞組引起了以下討論:

"隨著油價金價回落,其他商品亦開始被拋售,連帶一眾資源股受累,使昨日資源股引發小股災,中海油、金屬股及煤股重挫.

以近日資源股的跌勢,暗示大行預期未來商品及資源價格升勢受阻(升幅低於預期)或有轉跌的傾向.

中煤之前的亮麗業績,亦無助煤股扭轉劣勢,中央對電煤限價,及中國煤庫存量上升均屬利淡煤價,隨著煤股業績公布後,之後幾乎沒任何可見利好消息支持煤股."

"真係算好好?? 1171(增長)成2.2倍...佢1倍(增長)都冇"

"1171大部分出售的係現價煤,係最直接受惠煤價升.而1088和1898大部分出售的係合約煤,合約價追唔切現價.另外1088往績有25%利潤係來自發電,中央唔比加電價,對佢毛利都有影響.要賭煤價升,買1171係最直接的.

不過中央呢期對煤價做好多手腳,例如傳加資源稅,稅款將從量徵收改做從價徵收等等,可能步386和857後塵."

"都同意..而且又傳話重組...唔知有咩大影響"

"我其實好驚上面d傳聞,成日俾藉口大戶舞高弄低.煤炭業重組一向都傾開,都唔知做乜炒冷飯..."

"好似話低於預期喎"

"呢隻無留意最新大行d預期數據,haha~~

我睇經濟通的綜合大行盈利預測,都係寫今年增長3成左右,之後09和10年係增長1成多少少.

的確佢增長潛力有限,但因為龍頭,母公司未來注資,同埋坐擁大量煤儲量仲未變現(呢部份有d似地產股d土儲),股價一向反映以上幾點的溢價,水份都幾高."
詳情按此!

蒙牛(2319) vs 維他奶(345) 閒談 - 2 Aug 2008

8個初曾在新聞組跟網友大談2319和345的比較,現在2319受內地毒奶事件影響,股價大瀉,這篇閒談就作為歷史記錄吧...

以下原本對話內容,事緣於2319習慣在公佈業績後股價不跌反升:

"2319配完股個價多數會升的(from上期iMoney)"

"呢隻因為太堅,即使往績經常在公佈業績後配股,大戶投票傾向將業績抵銷配股影響,將股價造高,今年亦跟隨傳統,確實係有d反智..."

"我發現隻345重係牛緊,其實我會buy呢隻多過蒙牛"

"係呀,345走勢超靚,今年全年派息非常驚嚇.如果睇估值,呢類股暫時都係偏貴,話就話內需概念可以支持高PE,但高估值在淡市的防守力又差少少,所以我都未考慮住."

"對,太貴,呢系列的股票係好野來的,我會敲熟悉的,品牌深入民心的,同埋派晒息的,呢行係玩山頭主義,擴充並非王道"
詳情按此!